انـت اخـتـرت طـريــق

راجع ليه من تانى
عايز ايه .. انسانى
اللى بتتكلم عـنـه
ماضى وعدى وزمن وراح

حب ده ايه بكفايه
حبك مات جوايا
ونسيت قلبك ونسيتك
وخلاص منك قلبي ارتاح

انت اخترت طريق ومشيته
بعت هوايا وقلبي نسيته
واما خسرت فى بعدى راجعلى
بتفكرنى بحب زمان

هو انت بتكدب وتصدق
كان من امتى بتعرف تعشق
ابعد عني خلاص وياريتك
لو تتعود على الحرمان

انا ضحيت بدنيا عشانك
ولا يوم قلبي باعك ولا خانك
ضحيت انت بإيه علشانى
بعت غرامى وفيا جرحت

وياك ضاع العمر عليا
عمرى ما شفت معاك حنيه
يبقى عايزنى ازاى ارجعلك
ولا اسامحك مهما عملت